Жаңақорған. Ауданның «Сунақата» ауылында тұратын мектеп оқушысы Рүстем Қожахмет әлі кәмелеттік жасқа толмағанына қарамастан көптеген тың идеяларды жүзеге асыруға көңіл бөліп келеді. Оның әрбір жобасы үлкендердің қызығушылығын тудырып келеді. Аудан әкімдігі баспасөз қызметінің хабарлауынша, ол былтыр аудандық инновациялық жобалар мен идеялар жәрмеңкесінде жеңімпаз атанған. Рүстем «Компьютерді қашықтықтан басқару және уақытты үнемдеп тиімді пайдалану» (жетекшісі Р.Алдабергенов) атты жобасын жетілдіру үстінде. Ол қарапайым ғана теледидар пультімен компьютерді басқару, ауылға әлі жете қоймаған 3D мониторы көзілдірігі, компьютердің жарамсыз болып қалған бөлшектерінен желдеткіш, сағат т.с.с құралдарды құрастырып қарымды ізденісте жүр.
