«Әжелер – алтын қазынам»

88

0

Жұма күні С.Майқанова атындағы мәдениет Үйінің ұйымдастыруымен әжелеріміздің абзал қасиеттерін бүгінгі ұрпаққа таныту, ұрпақтан-ұрпаққа жалғасып келе жатырған даналықты жастарға сіңіру мақсатында «Әжелер – алтын қазынам»атты қалалық әжелер байқауы болып өтті.
Байқауға Қараөзек, Талсуат, Абай, Қызылжарма ауылдарынан және Белкөл мен Тасбөгет кенті, С.Майқанова атындағы мәдениет Үйінен әжелер қатысты. Әжелер 4 кезең бойынша өнер көрсетті. Атап айтқанда, Таныстыру, Өнер сайысы, Білімі мен парасат сыны, Шебердің қолы алтын.
Абзал әжелеріміз әр кезең бойынша өздерінің ізденімпаздығын айрықша көрсетті, әсіресе, 4 кезеңде әжелер небәрі 7 минут ішінде сәнді де ою-өрнекті кимешек жасаудан шеберліктерін көрсетті.
Байқау қорытындысы бойынша, І дәрәжелі орын – С.Майқанова атындағы мәдениет Үйі жанынан құрылған «Бастаңғы» әжелер ансамблінің мүшесі, батыр ана, «күміс алқа» иегері Сейілханова Сәрсенкүл, ІІ дәрежелі орынды – Қызылжарма ауылынан келген Тәшенова Раушан, ал ІІІ дәрежелі орынды Талсуат ауылынан Маутенова Рсалды әжелеріміз иеленіп, бағалы сыйлықтармен марапатталды. Өзге де қатысушы талапкерлер алғыс хаттармен марапатталды.
Пікірлер жоқ. Бірінші болыңыз!

Пікір жазыңыз