Шиелі ауданы Сұлутөбе ауылдық округінің №267 сайлау учаскесінде дауыс беруге тұрғындар белсенді түрде атсалысып жатыр. Аталған сайлау учаскесіне 989 адам сайлаушы ретінде тіркелген. Қазіргі уақытпен 400-ге жуық сайлаушы өз таңдауын жасады.
– Сайлау әділ түрде өтіп жатыр. Тұрғындар тарапынан ешқандай арыз-шағым түскен жоқ. Барлығы жақсы көңіл күйде келіп, өз таңдауларын жасауда, – деді сайлау учаскесінің төрағасы Айгүл Болатбекова.
Таңда басталған сайлау науқанына алғашқы болып Хазар Хаджаева келді. 85 жастағы әже дауыс беріп, сыйлық алды.
![](https://syrboyi.kz/wp-content/uploads/2023/03/whatsapp-image-2023-03-19-at-11.09.24.jpeg)
Одан бөлек ең жас сайлаушы ретінде тіркелген Арайлым Ғаниқызы бірінші рет сайлауға қатысып, өз таңдауын жасады.
![](https://syrboyi.kz/wp-content/uploads/2023/03/whatsapp-image-2023-03-19-at-11.05.59-1.jpeg)
– Кәмелет жасқа толып, сайлауда өз таңдауымды жасадым. Шынымды айтсам ерекше сезім екен. Ел экономикасының дамуы жолында менде өз таңдауымды жасағаныма қуаныштымын, – деді ол.
Сайлауда «Дауыс» қоғамдық байқаушылар коалициясы РҚБ облыстық филиалының өкілдері байқаушы болып, сайлаудың әділ өтуіне атсалысты.
![](https://syrboyi.kz/wp-content/uploads/2023/03/whatsapp-image-2023-03-19-at-11.10.09-1-1024x539.jpeg)
>>> Біздің Facebook, Instagram парақшаларымыз бен Telegram каналымызға жазылыңыз! <<<