Бүгін алғаш рет Президент бастамасымен қолға алынған пилоттық негіздегі Сырдария және Шиелі аудандары әкімінің сайлауы басталды.
Аудан және қала әкімдерін тікелей сайлау Мемлекет басшысының сайлау жүйесін демократияландыру бағытындағы реформаларының бірі.
![](https://syrboyi.kz/wp-content/uploads/2023/11/img-20231105-wa0002-1024x768.jpg)
Екі ауданда 58 сайлау учаскесі құрылған. Мұнда барлығы 388 комиссия мүшесі қызмет атқарады.
Таңғы 07.00-де барлық учаске ашылып, өз жұмысын бастады.
Дауыс беру үй жайлары барлық талаптарға сай жабдықталып, бюллетеньдермен қамтылды.
Сондай-ақ, мүгедектігі бар азаматтарға қолайлы жағдайлар жасалып, үйден дауыс беруге өтініш қалдырған азаматтар үшін тасымалданатын жәшіктер апарылатын болады.
![](https://syrboyi.kz/wp-content/uploads/2023/11/img-20231105-wa0001-1024x768.jpg)
Айта кетейік, Сырдарияда 22101, Шиеліде 50402 сайлаушы тіркелген.
Дауыс беру жергілікті уақыт таңғы сағат 07.00-ден басталып, кешкі 20.00-ге дейін жалғасады.
Қызылорда облыстық сайлау комиссиясы
>>> Біздің Facebook, Instagram парақшаларымыз бен Telegram каналымызға жазылыңыз! <<<