«Майқайың алтын» АҚ аумағында қаңтарда ескі шахтаға автобуспен бірге құлаған құтқарушыларды іздеу жұмыстары жанданды, – деп хабарлайды Massaget.kz тілшісі Tengrinews.kz-ке сілтеме жасап.
Кәсіпорын өкілдері іздеу жұмыстары күн сайын жүргізілетінін мәлімдеді.
«28 маусымда кәсіби әскери авариялық-құтқару қызметінің республикалық орталық штабының ЖШС-мен бірлесіп іздеу жұмыстары басталды. Іздеу жұмыстары күндізгі уақытта таңғы 05:00-ден кешкі 20:00-ге дейін жалғасады. Жұмысты 7 шілдеде аяқтау жоспарланып отыр, қажет болған жағдайда мерзімі ұзартылады», – деді «Майқайың алтын» АҚ өкілдері.
Сондай-ақ, кәсіпорын өкілдері кестеге сәйкес қажет дайындық жұмыстары жасалғанын айтты.
Жұмыстарға бульдозер мен екі экскаватор тартылған.
«Майқайың алтын» АҚ өкілдері жұмыс орнынан суреттер жолдаған. Кадрларда ағаш қалдықтары, жыртылған құжаттар көрінеді.
![](https://syrboyi.kz/wp-content/uploads/2024/07/8abd656d1d7d2e03c5ce5132ca1d426d.jpg)
![](https://syrboyi.kz/wp-content/uploads/2024/07/1d15ca687788191e8da8bd34484c52d8-576x1024.jpg)
![](https://syrboyi.kz/wp-content/uploads/2024/07/6a78bfdc49c4a58e9b3b172255dc4752.jpg)
>>> Біздің Facebook, Instagram парақшаларымыз бен Telegram каналымызға жазылыңыз! <<<