Қала іргесіндегі Ақсуат ауылдық округі Ж.Маханбетов ауылындағы №143 мектепте орналасқан №227 сайлау учаскесіне 2233 адам тіркелген. Оның ішінде 35 қарт, 47 жас сайлаушы бар.
Дәл бүгін 18-ге толған Нұрасыл Рахметов пен Асылзат Рахметова есімді егіздер алғаш рет дауыс бергелі тұр.
Сайлау учаскесінің хатшысы Талғат Әбіртаевтің айтуынша, сағат 10.00-ге дейін 100-ден астам адам дауыс беріп үлгерген. Ең бірінші болып өз таңдауын жасаған зейнеттегі ұстаз Жұмабай Құрымбаевқа комиссия тарапынан сыйлық табыс етілген.
– Сайлаушылардың белсенділігі жаман емес. Әзір ең қарт сайлаушымыз келген жоқ. Ол кісілерге де сыйлығымыз бар. Үйден дауыс беруге 15 адам өтініш берді, – деді Т.Әбіртаев.
Айсәуле Қарапаева,
«Сыр бойы».
>>> Біздің Facebook, Instagram парақшаларымыз бен Telegram каналымызға жазылыңыз! <<<
