Өткен аптадан бастап еліміз бойынша барлық өңірде «Birge: Taza Qazaqstan» экологиялық акциясы ұйымдастырылуда. Акцияға қазалылықтар да қатысып, кент және қала аумағын, көшелерді және автокөлік жолдары маңайын күл-қоқыстан тазалап, сенбілік ұйымдастырды.
Аудан орталығы – Әйтеке би кенті бойынша 6 бағыт бойынша сенбілік жұмыстары ұйымдастырылды. Қолдарына қажетті құрал-саймандарын ұстаған жандар «Водокачка» елді мекеніне баратын жол, Т.Бөріқұлақов көшесі мен «Мектепбай» учаскесі, 5 квартал аймағындағы «Қарамайкөл», «Қазақ» қорымы айналасындағы шашылған қоқыстарды жинастырып, тазалық жұмыстарын жүргізді.
Әйтеке би кентіндегі сенбілік жұмыстарын аудан әкімі Мұхтар Оразбаев аралап көріп, берекелі бастамаға қолдау көрсетіп жатқан барша белсенділерге алғысын айтты.
Жалпықалалық сенбілікке теміржол, білім, мәдениет, спорт және денсаулық сақтау саласының қызметкерлері, белсенді жастар, бірқатар кәсіпорындар мен ұйымдардың қызметкерлері де қатысты.
Сенбілік жұмыстарынан Әйтеке би кенті әкімі аппаратының қызметкерлері тыс қалмады. Өздеріне бекітілген аумақтан бөлек, қызмектерлер арнайы техниканың көмегімен аудан орталығындағы Р.Бағланова, Қ.Пірімов көшелерінің жиегіндегі топырақтардан тазартты.
>>> Біздің Facebook, Instagram парақшаларымыз бен Telegram каналымызға жазылыңыз! <<<
