Жастардың жалынды жетекшісі Ғани Мұратбаевтың туғанына 120 жыл толуына орай Қазалы ауданындағы мектептердің жоғары сынып оқушылары арасында «Жастардың көсемі – Ғани» атты ХХІ ғасыр көшбасшысы интеллектуалдық сайысы өтті.
Сайысқа Ғани Мұратбаев атындағы №17 мектеп директорының тәрбие ісі жөніндегі орынбасары Кенжалиева Айнұр, Қалалық Балалар Кітапханасының меңгерушісі Мырзалиева Толқын, «Қалалық Жастар Ресурстық Орталығының» директоры Ақманбетов Нұрбек қазылық жасады. Сайыс 4 кезеңнен тұрды: Ғани Мұратбаевтың өмірі мен қоғамдық қызметі, Ғани Мұратбаевтың мемориалдық музейі, ағаға арналған шығармалар, өлеңдер және қанатты сөздері.
![](https://syrboyi.kz/wp-content/uploads/2022/04/qazaly1-1024x683.jpg)
Шараның мақсаты оқушыларға Шығыстың жарық жұлдызы атанған ұлтымыздың ұлы тұлғасы Ғани Мұратбаев өмірінен, елге сіңірген еңбегі туралы сұрақтар қойып, логикалық ойлау жүйесін арттыру, жан – жақты білімді, дарынды, озық болуларына баулу және көшбасшылық қабілеттерін ояту.
Сайыс нәтижесінде ең көп ұпай жинаған №165 мектептің оқушысы Әбдінағи Жаннұр жеңімпаз деп танылса, №216, №249 мектептің оқушылары Шынбай Әсел және Бүркітбай Зарина ІІ, ІІІ орынды иеленді. Барлық қатысушылар арнайы алғыс хат және сыйлықтармен марапатталды.
>>> Біздің Facebook, Instagram парақшаларымыз бен Telegram каналымызға жазылыңыз! <<<