Табиғи монополияларды реттеу департаменті 54 қызмет түрі бойынша 34 табиғи монополия субъектілерінің жұмысын реттейді. Бұған қоса, электр энергиясы және газбен жабдықтау саласындағы 4 қоғамдық маңызы бар нарық субъектілеріне қатысты баға белгілеу функцияларын жүзеге асырады.
Бұл туралы өңірлік коммуникация қызметінде департамент басшысы Айбек Егембергенов айтты.
– Жыл басынан бері департаментке электр энергиясының шекті бағаларын төмендету, тарифті және тарифтік сметаларды бекіту бойынша 22 өтінім түсіп, тиісті жұмыстар атқарылды. Сонымен қатар, осы жылдың басында 8 субъектінің тарифі бекітілді. Газбен жабдықтау қызметінің қолданыстағы тарифі өзгеріссіз қалды, яғни, 2022 жылдың 1 тамызындағы тариф 1000 текше метр үшін ҚҚС-сыз 13 043,49 теңгені құрап отыр. Мұнан өзге, энергиямен жабдықтаушы ұйымдардың бағалары 2022 жылдың деңгейімен салыстырғанда 0,1-0,3 пайызға дейін төмендетілді. Айта кетейін, департаментке түскен әрбір өтінім мұқият қаралып, талданады, – деді Айбек Асылханұлы.
>>> Біздің Facebook, Instagram парақшаларымыз бен Telegram каналымызға жазылыңыз! <<<
