Жоба
«Қазақстан Республикасының Бюджет кодексі» Қазақстан Республикасы Кодексінің 56-бабының 2-тармағына және «Мемлекеттік мүлік туралы» Қазақстан Республикасы Заңының 140-бабының 2-тармағына сәйкес Қызылорда облысының әкімдігі ҚАУЛЫ ЕТЕДІ:
1. Әлеуметтік салада қызметін жүзеге асыратын облыстық коммуналдық мемлекеттік кәсіпорындар үшін таза кірісінің бір бөлігін аудару нормативі мемлекеттік кәсіпорынның таза табысының сомасынан 50 (елу) пайыз мөлшерінде белгіленсін.
2. «Қызылорда облысының экономика және қаржы басқармасы» коммуналдық мемлекеттік мекемесі заңнамада белгіленген тәртіппен осы қаулыдан туындайтын шараларды қабылдасын.
3. Осы қаулының орындалуын бақылау Қызылорда облысы әкімінің жетекшілік ететін орынбасарына жүктелсін.
4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қызылорда облысының
әкімі Н. НӘЛІБАЕВ
ҚЫЗЫЛОРДА ОБЛЫСЫ ӘКІМДІГІНІҢ КЕЙБІР ҚАУЛЫЛАРЫНЫҢ КҮШІ ЖОЙЫЛДЫ ДЕП ТАНУ ТУРАЛЫ
«Құқықтық актілер туралы» Қазақстан Республикасы Заңының 27 және 50-баптарына сәйкес Қызылорда облысының әкімдігі ҚАУЛЫ ЕТЕДІ:
1. Осы қаулының қосымшасына сәйкес тізбе бойынша Қызылорда облысы әкімдігінің кейбір қаулыларының күші жойылды деп танылсын.
2. Осы қаулының орындалуын бақылау Қызылорда облысы әкімінің жетекшілік ететін орынбасарына жүктелсін.
3. Осы қаулы оның алғашқы ресми жарияланған күнінен бастап қолданысқа енгізіледі.
Қызылорда облысының
әкімі Н. НӘЛІБАЕВ
Қызылорда облысы әкімдігінің
2026 жылғы «__» ___________
№ _____ қаулысына қосымша
ҚЫЗЫЛОРДА ОБЛЫСЫ ӘКІМДІГІНІҢ КҮШІ ЖОЙЫЛДЫ ДЕП ТАНЫЛАТЫН КЕЙБІР ҚАУЛЫЛАРЫНЫҢ
ТІЗБЕСІ
1. «Облыстық коммуналдық мемлекеттік кәсіпорындардың таза кірісінің бір бөлігін жергілікті бюджетке аудару нормативін белгілеу туралы» Қызылорда облысы әкімдігінің 2018 жылғы 26 қарашадағы №1269 қаулысы (Нормативтік құқықтық актілерді мемлекеттік тіркеу тізілімінде №6542 болып тіркелген);
2. «Облыстық коммуналдық мемлекеттік кәсіпорындардың иелігінде қалған таза кірістің бір бөлігін бөлу нормативін белгілеу туралы» Қызылорда облысы әкімдігінің 2019 жылғы 1 сәуірдегі №1357 қаулысы (Нормативтік құқықтық актілерді мемлекеттік тіркеу тізілімінде №6758 болып тіркелген);
3. «Акциялардың мемлекеттік пакеттері (жарғылық капиталдағы қатысу үлесі) облыстық коммуналдық меншіктегі акционерлік қоғамдардың, жауапкершілігі шектеулі серіктестіктердің дивидендтерінің (кірістерінің) көлемдерін белгілеу туралы» Қызылорда облысы әкімдігінің 2020 жылғы 8 желтоқсандағы №143 қаулысы (Нормативтік құқықтық актілерді мемлекеттік тіркеу тізілімінде №7886 болып тіркелген).
