Әлихан Смайылов «Самұрық-Қазына» АҚ Директорлар кеңесінің төрағасы болып тағайындалды деп хабарлады turkystan.kz.
Бұл лауазымды бұрын Джон Дудас атқарған. Ол Қордың тәуелсіз директоры ретінде директорлар Кеңесінде қалады.
Әлихан Смайылов 1972 жылы дүниеге келген. 1994 жылы әл-Фараби атындағы Қазақ ұлттық университетін «қолданбалы математика» мамандығы бойынша аяқтаған. 1996 жылы ҚР Президенті жанындағы Қазақстан менеджмент, экономика және болжамдау институтының мемлекеттік басқару магистрі дәрежесіне ие болды.
Қызметтік жолын «А-Инвест» инвестициялық–жекешелендіру қорының бас маманы болып бастаған ол ҚР сыртқы істер вице-министрі, Статистика агенттігінің төрағасы, ҚР Президентінің көмекшісі, Қаржы министрі сынды беделді қызметтерді атқарды. 2022 жылдың 11 қаңтарынан бастап Қазақстан Республикасының Премьер-министрі болып сайланды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
