Фото: ашық дереккөз
Алдағы аптада Алматыда, Алматы және Жетісу облыстарында жер сілкінісі болуы мүмкін деп хабарлады turkystan.kz Сейсмология институтының баспасөз қызметіне сілтеме жасап.
2023 жылғы 10 наурызда Сейсмология институтында сейсмикалық болжау комиссиясының кезектен тыс отырысының қорытындысы бойынша брифинг өтті.
– Болжау комиссиясының қорытындысы бойынша алдағы аптада Алматыда, Алматы және Жетісу облыстарының аумағында шамамен 3-3,5 балл болатын жер дүмпулері болуы ықтимал, – делінген хабарладама.
Сейсмология институтының директоры Дәулет Сәрсенбаев айтуынша, биыл Алматы болжау полигонының аумағында күшті және жойқын жер сілкінісі болжанып отырған жоқ.
Қазіргі уақытта Алматы болжау полигонының аумағында (Алматы қ., Алматы және Жетісу облыстары) 47 станция жұмыс істейді.
Сейсмология институты – Қазақстан Республикасында сейсмикалық қауіпсіздікті қамтамасыз ету мәселелері жөніндегі іргелі және қолданбалы зерттеулер саласындағы басты ұйым.
>>> Біздің Facebook, Instagram парақшаларымыз бен Telegram каналымызға жазылыңыз! <<<
