Қызылордада 32 жастағы азамат туған анасына қол көтерген. Зейнет жасындағы қария түрлі жарақат алып, үйінен кетуге мәжбүр болды.
Ішімдік ішкен тұрғын туған анасына қол көтерген. Мұндай жағдай бірнеше мәрте қайталанған. Түрлі деңгейде жарақат алған әйел үйінен қашуға мәжбүр болды.
«Жасы алпыстан асқан қария дағдарыс орталығын паналауға мәжбүр болды. Полиция тарапынан ол кісіге қол көтерген азаматқа іс қозғалып, сотқа жолданды. Сот тарапынан бір тәулікке қамау жазасын қолдану туралы шешім шыққан. Карантин кезінде облыста 158 отбасында тұрмыстық жанжал тіркелді. Өкініштісі, олардың біреуі адам өлімімен аяқталды. Ұрып-соғу, орташа ауырлықтағы дене жарақатын салу секілді отбасындағы қылмыстардың 70 проценті азаматтардың ішімдік ішу салдарынан туындайды. Осы ретте полицейлер «зорлық-зомбылыққа жол жоқ» жедел-профилактикалық шарасын өткізіп келеді», – деп мәлім етті Қызылорда облыстық полиция департаменті әйелдерді зорлық-зомбылықтан қорғау тобының аға инспекторы Светлана Баймағанбетова.
>>> Біздің Facebook, Instagram парақшаларымыз бен Telegram каналымызға жазылыңыз! <<<
