Кеше Қорқыт ата атындағы Қызылорда мемлекеттік университетінің Студенттер сарайында Сыр өңіріне белгілі журналист, публицист, қоғам қайраткері Мырқы Исаевтың 90 жылдығына арналған «Мырқы Исаевтың рухани мұрасы» атты ғылыми-танымдық конференция өтті.
Конференцияда «Иса Тоқтыбаев – М.Исаев зерттеулерінде» тақырыбында Қорқыт ата атындағы ҚМУ доценті, тарих ғылымдарының докторы Сәтбай Дастанбек, «Мырқы Исаев поэзия жанрында» деген тақырыпта университет доценті, филология ғылымдарының кандидаты Айман Айтбаева, «М.Исаев – Текей батыр мұрасын алғашқы зерттеуші» тақырыбында университеттің ғылыми-зерттеу институтының ғылыми қызметкері Бақытжан Ахметбек баяндама жасады.
Сондай-ақ конференцияда ардагер-журналист туралы Қазақстанның халық ақыны Надежда Лушникова, облыстық «Сыр бойы» газетінің бөлім басшысы Ж.Ақсақалов естелік пікірлерін білдірді.
Сол күні ардагер-журналистің ұрпақтары әке рухына арнап, жиналған жұртшылыққа ас берді.
Ж.ӘЛМАХАН.
>>> Біздің Facebook, Instagram парақшаларымыз бен Telegram каналымызға жазылыңыз! <<<
