Ауғанстан – әлемдегі көпұлтты мемлекеттердің бірі. Жергілікті халық 30-ға жуық тілде сөйлейді. Сондай-ақ 100-ге тарта диалект бар.
Қазіргі таңда Ауғанстан халқының саны 32 миллионнан асады. Оның 42%-н пуштундар құрайды. Олар елдің оңтүстік-шығысы, оңтүстік және оңтүстік-батысын мекендейді.
Ауғанстанда тәжіктер де көп. Пуштундардан кейін саны көп ұлт. Халық санының 27%-ы осы – тәжіктер. Олардың басым бөлігі Панджшер шатқалы аумағында тұрақтаған.
Пуштун мен тәжіктерден кейін көп ұлттың бірі – хазарлар. Олар халықтың 10%-н құрайды. Өзбектер саны да аз емес. Олардың үлесі – 9%. Сондай-ақ түрікмен, чараймак, нуристандықтардың да саны басым.
Ауғанстанда аз-кем қазақ отбасылары да өмір сүреді. «Талибан» Ауғанстанда билік орнатқаннан кейін ұлты қазақ екенін айтып, Қазақстан үкіметінен елден алып кетуді сұраушылар көбейген. Қазақстан сыртқы істер министрлігі қазір бұл елде 200-дей қазақ барын мәлімдеді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
