Жуырда А.Тоқмағамбетов атындағы мәдениет үйінде облыстық «Жүрек жылуы» атты өнер фестивалі өткен болатын.
Мүмкіндігі шектеулі балалар бұл күні ерекше қуанышта болды. Қызылорда қаласының 200 жылдық мерейтойы аясында ұйымдастырылған шараға «Арнаулы әлеуметтік қызметтер көрсету балалар орталығы» атынан «Жас дәурен» тобының қызмет алушылары көркем сөз жанры бойынша Фархад Жетпісбаев Қ.Асановтың «Ауыртпалық түспесін қазағыма» атты өлеңін мәнерлеп оқып, І орынға ие болды. Ән жанрынан Мырзалы Серікұлы «Ұлы дала» әнін әуелете шырқап, бас жүлдені иеленді. Күндізгі бөлімнің «Шапағат» бишілер тобы үнді биін билеп, ІІ орын алып, көрермендердің ыстық ықыласына бөленді. Мың бұрала билеген бишілерге сыйлықтар беріліп, алғыс хаттармен марапатталды.
Жыл сайынғы дәстүрлі республикалық, облыстық конкурстарға қатысып, қызмет алушылардың үлкен жетістіктерге жетуіне орталықтың басшылық тарапынан қолдау көрсетіліп келеді. Өмірге деген құлшынысын арттырып, әр баланың жүрегінен орын таба білген психолог мамандардың, өнерге деген сүйіспеншілігін арттырып жүрген музыка мұғалімі М.Балмановтың жасаған ықпалы мол. Жүйелі жұмыс жүргізуді басты назарда ұстаған, бала бойында танымдық көзқарасын қалыптастыра білген дефектолог-мұғалімдер Ж.Ниязбекова, К.Қалмаханова, З.Ахметова, өз-өзіне қызмет етуге тұрмыстық дағдыларына бейімдеген тәрбиешілер Ж.Кенжебаева, И.Досымбетова, А.Сағынтай, т.б педагогтардың еңбегі елеулі.
Балалардың шығар биігі, болашаққа сенімі, күтер үміттері алда.
С.Есінтаева,
Арнаулы әлеуметтік қызметтер көрсету
балалар орталығының сихолог маманы.
Ж.Ниязбекова,
дефектолог- мұғалім.
>>> Біздің Facebook, Instagram парақшаларымыз бен Telegram каналымызға жазылыңыз! <<<
