ҚР Тұңғыш Президенті-Елбасы Н.Назарбаевтың 2019 жылды жастар жылы деп жариялауы және «Болашаққа бағдар: рухани жаңғыру», «Ұлы даланың жеті қыры» бағдарламалық мақалаларының аясында облыстық тарихи-өлкетану музейі «Болашақ экспонат» жобасын ұйымдастыруда. Мектеп оқушылары арасында өткізілетін бұл шараға қатысушылар саны күн санап артып келеді.
– Байқау шарты бойынша құнды және қолданыстан шықпаған дүниелерге жастар өзіндік көзқараспен қарап, бүгінгі дүниенің ертеңгі жәдігер екенін ұғынып, сипаттамасы мен тарихын жастардың өздері түсіндіруі тиіс. Жастар болашақ экспонаттың ерекшелігі мен құндылығын өзіндік деңгейде саралап, орнын басқан дүниелермен салыстыра отырып, халыққа жеткізеді. Облыстық музей оқушыны арнайы видеоға түсіріп, облыстық музейдің «Youtube» желісіне жүктейді. Байқау жеңімпаздары ашық дауыспен, яғни «like» санына қарай анықталады. Биыл әр тоқсан сайын жеңімпаздар жарияланып, дипломдармен марапатталады, – деді музей қызметкері Айгерім Беккулиева.
Осы жылдың ІІ тоқсанында Қ.Мұхамеджанов атындағы №1 мектеп-гимназиясының оқушысы А.Нұрмаханова І орын иегері атанса, №2 «Мұрагер» мектебінің оқушысы Н.Ералиева ІІ орынды еншіледі.
Ал ІІІ орынды М.Сужиков атындағы №6 орта мектептің оқушылары В.Васильева, А.Әлішер және Қорқыт Ата атындағы ҚМУ студенттері Қ.Досым мен А.Бекбаев иеленді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
