Мемлекет басшысы 2026 жылды «Цифрландыру және жасанды интеллект жылы» деп жариялады. Осыған орай Ә.Тәжібаев атындағы облыстық әмбебап ғылыми кітапханада «Цифрландыру және жасанды интеллект – болашақтың технологиясы» атты кітап көрмесінің ашылу салтанаты өтті.
Көрмеге компьютерлік және бағдарламалық, QR кодпен оқылатын және цифрлық форматқа көшірілген электронды оқулықтар, аудио мен балаларға арналған әртүрлі тақырыптардағы 3D, 4D, 5D форматтағы кітаптар қойылды.
Шараға Абай атындағы үш тілде оқытатын дарынды балаларға арналған мамандандырылған сыныптары бар мектеп, Ә.Мүсілімов атындағы №101, №3 мектеп-лицейлерінің оқушылары қатысып, өздері жасаған роботтары мен креативті жобалар ұсынды. Дарынды оқушылардың «Мүмкіндігі шектеулі адамдарға AI көмекші», «Ақылды тестілеу жүйесі» сынды жобалары оқырмандардың қызығушылығын тудырды.
Көрмеге жаңа үлгідегі 100-ден аса кітап, 60 СD қойылып, жасанды интеллектінің мүмкіндіктері жайлы видео-ролик көрсетілді.
«СБ» ақпарат
