«Қауіпсіз аула» жобасын жүзеге асыру аясында, қоғамдық тәртіп пен азаматтардың қауіпсіздігін қамтамасыз ету, сондай-ақ түрлі құқыққа қарсы әрекеттерге жедел әрекет ету мақсатында облыстық Полиция департаментінің күзет қызметін бақылау бөлімінің қызметкерлері Қызылорда қаласы Полиция басқармасының қызметкерлерімен бірлесіп, Үсербаев көшесінде тұратын көп пәтерлі үйлердің тұрғындарымен кездесу ұйымдастырды.
Кездесуде облыстық Полиция департаментінің Күзет қызметін бақылау бөлімі бойынша бастығының міндетін атқарушы полиция подполковнигі Жүсіпова Салтанат баяндама жасады.
Өз сөзінде ол осы кездесудің маңыздылығын атап өтті, өйткені «Қауіпсіз аула» бағдарламасы аясында тұрғын үйлер мен «Бұлтты бейнебақылау» жүйесінің ғимараттарын кіреберістерде орнату және іске қосу бойынша кең ауқымды жұмыстар жүргізілуде.
Сөз сөйлегеннен кейін тұрғындар бейнекамералардың сапасы және олардың орналасуы бойынша барлық туындаған мәселелерді талқылады. Сонымен қатар, облыстық Полиция департаментінің КҚБб аға инспекторы Қыдырбаев Нұрлан баяндама жасады.
Ол тұрғындарға мемлекеттік жеке меншік әріптестік аясында бейнекамераларды өз есебінен құрастыратын «Қазақтелеком» АҚ-мен келісімге қол жеткізгенін, ал үй тұрғындары бейнебақылау жүйесіне қызмет көрсетумен байланысты қызметтерді ай сайын төлейтінін айтты.
Сондай-ақ, ол бейнебақылау жүйесін тәжірибелік қызметте қолдану көшелер мен қоғамдық орындарда құқықтық тәртіпті бақылау, жол қозғалысын бақылау, жедел-іздестіру шараларын сүйемелдеу сияқты маңызды міндеттерді табысты шешуге мүмкіндік беретінін атап өтті.
«Қауіпсіз аула» қағидасы бойынша Қызылорда қаласының көп пәтерлі үйлерінің аумағында 338 бейнекамералар орнатылды. Алдағы уақытта тағы 100 бұлтты бейнекамералар орнату жоспарлануда.
Үсербаев көшесіндегі көп қабатты үйлердің барлық аулалары қазіргі уақытта жарықтандырылған.
Сонымен қатар, 16 подъезд домофонмен қамтамасыз етілген, онда «бұлтты бейнебақылау»жобасына сәйкес 5 бейнекамералар орнатылған. Осы бағыттағы жұмыс жалғасуда.
Қызылорда қалалық Полиция басқармасының баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
