Мен 9-сынып оқушысы болсам да, болашақ туралы ойлана бастадым. Қазіргі кезде есірткі мәселесі жастар мен жасөспірімдер арасында өте өзекті. Кейбір балалар қызығушылықпен, кейбірі достарының қысымымен бұл қауіпті әдетке жақындайды. Бірақ есірткі адамның денсаулығын бұзып қана қоймай, мінезін, ойлау қабілетін және өмірге деген көзқарасын өзгертеді. Ол оқуға, спортқа, армандарға және дұрыс мақсат қоюға үлкен кедергі жасайды.
Мен салауатты өмір салтын қолдаймын, спортпен айналысамын, бос уақытымды пайдалы істерге арнаймын. Әрбір жасөспірім өз болашағы үшін жауапты екенін түсінуі керек. Есірткіге жоқ деп айту әлсіздік емес, ол саналы әрі батыл таңдау. Мен таза өмірді таңдаймын, себебі менің жарқын болашаққа жеткім келеді. Мен достарыма дұрыс жолды таңдауға кеңес беремін және өзім үлгі болуға тырысамын. Мектеп, ата-ана және қоғам бірігіп әрекет етсе, жастар есірткіден алшақ болып, дені сау, білімді, жауапты азамат болып өседі. Осылайша біз еліміздің болашағын бірге қорғай аламыз. Бұл әрқайсымыздың ортақ міндетіміз және өмірлік жауапкершілігіміз бүгін және ертең.
#есірткігеқарсы
Айсая Бейбіт,
Қ.Пірімов атындағы №103 орта мектеп
9-сынып оқушысы
