Қызылорда қалалық білім бөлімінің ұйымдастыруымен облыс орталығындағы Нағи Ілиясов атындағы №9 мектеп-гимназиясында «1 сәуір – Халықаралық құстар күніне» орай аймақтық мектептер арасындағы ғылыми жоба сайысы өтті.
Алдымен мектеп ауласындағы құстар саябағы ашылуды. Аталған саябақты «Өрлеу» Қызылорда облысы бойынша кәсіби дамуы институтының директоры Бауыржан Елеусінов пен «Оrda» колледжінің доценті, дизайнер Аппаз Жүсіпов ашты. Одан кейін мектеп-гимназияның қосымша білім беру бойынша шығармашыл және зерттеушілік әрекеттер негізінде кәсіпкерлікті жетілдіру мақсатында жасалынған оқушылардың көрсетілімі мен ерекше білім беруді қажет ететін оқушылардың шеберлік сыныбы көрсетілді. «STEM» зертханалық кабинетінің «Құстар» тақырыбындағы зерттеу жұмыстары көрініс тапты.
Шараның соңы аймақтық мектептер арасындағы оқушылар арасында «Құстар әлеміне саяхат» тақырыбындағы ғылыми жобалар сайысымен қорытындыланды. Оған «Өрлеу» Қызылорда облысы бойынша кәсіби дамуы институтының әдіскері Ақмарал Ләпбаева, Қорқыт ата атындағы Қызылорда университетінің аға оқытушысы, биология ғылымдарының кандидаты Алма Берденқұлова қазылық етіп, оқушылардың жобаларына әділ бағаларын берді. Оқушылар ғылыми жоба арқылы құстар әлемін танып-білуге, тіршілігін зерттеуге, құстарды қорғауға, насихаттауға шақырды.
Ақмарал ЛӘПБАЕВА,
«Өрлеу» Қызылорда облысы бойынша кәсіби дамуы институтының әдіскері
>>> Біздің Facebook, Instagram парақшаларымыз бен Telegram каналымызға жазылыңыз! <<<
