«Өрлеу» Қызылорда облысы бойынша филиалының қолдауымен 7 ақпанда Шиелі ауданындағы №45 «Ақ Орда» мектеп-гимназиясында білім алушылардың оқу және жаратылыстану сауаттылығын қалыптастыруға арналған тапсырмаларды әзірлеуде мұғалімдердің кәсіби дағдыларын дамыту мақсатында «Химия және биология сабақтарында білім алушылардың оқу және жаратылыстану сауаттылықтарын дамыту тапсырмалары» тақырыбында әдістемелік тәжірибе алмасу семинары өтті.
Семинар барысында филиалдың аға оқытушысы Жанар Рзабекқызы ғылыми жаратылыстану сауаттылығын дамытудағы құзыреттіліктер және дағдыларды дамыту қажеттілігі мен оқыту үдерісінде жүзеге асыру жолдары бойынша құнды ақпараттармен бөлісті. Семинарға қатысушы мұғалімдермен «Дағдылар картасын» құрастыру негізінде практикалық жұмыс жүргізді.
Теориялық ақпаратты практикалық тұрғыда жетілдіру мақсатында пән мұғалімдері «Биология сабағында жаратылыстану сауаттылығын дамытуға бағытталған тапсырмалардың ерекшеліктері», «Химия сабағында оқушылардың функционалдық сауаттылығын арттыруға бағытталған тапсырмалар», «Биология сабағында оқушылардың ақпаратпен жұмыс жасау дағдыларын дамыту тапсырмалары» және «Химия сабағында оқушылардың танымдық белсенділіктерін арттыру» тақырыптарында өз тәжірибелерімен бөлісті.
«Өрлеу» Қызылорда облысы бойынша филиалы облыстың білім беру ұйымдарының инновациялық қызметін əдістемелік тұрғыда қолдауға бағытталған әдістемелік шаралар ауқымын кеңейтіп, педагогтердің кәсіби деңгейін дамыту жұмыстарын жыл бойы жалғастыратын болады.
Жанар Жубауова,
«Өрлеу» Қызылорда облысы бойынша
филиалының аға оқытушысы
>>> Біздің Facebook, Instagram парақшаларымыз бен Telegram каналымызға жазылыңыз! <<<
