Қызылорда облысы бойынша ҚАЖ департаментіне қарасты ЗК-169/1 мекемесінің арнайы контингент арасында әлеуметтік-психологиялық тәрбие жұмысын жүргізу бөлімі мен Ә.Тәжібаев атындағы облыстық әмбебап ғылыми кітапханасы бірігіп, жоспарға сай «Білім – ырыс қазығы» атты интеллектуалды сайысын өткізді.
Сайыстың мақсаты – кітап оқудың адамға ерекше әсер етіп, оның тұлға болып қалыптасуына маңызды рөл атқаратынын ескере отырып, бас бостандығынан айырылған азаматтарды рухани қолдау, олардың кітап арқылы көзқарастарын кеңейтуге, ой-санасын өзгертуге ықпал жасау.
Интеллектуалды сайысқа мекемеде шаруашылық қызмет көрсетуге қалдырылған сотталғандар қатыстырылды. Сайысқа қатысушы сотталғандар «Арғымақ» және «Тұлпар» болып екі топқа бөлініп өнер көрсетті. Сайыс қорытындысы бойынша белсене атсалысып, өздерін жақсы қырларынан көрсете білгендерге кітапхана атынан «Алғыспен» марапатталды.
Жоспарға сай осы тектес іс-шаралар алдағы уақытта да өз жалғасын табады.
А.Мырзалы,
АКАӘПТЖБ бөлімінің
аға инспектор психологы
әділет аға лейтенанты
>>> Біздің Facebook, Instagram парақшаларымыз бен Telegram каналымызға жазылыңыз! <<<
