Тәуелсіздіктің алғашқы жылдарында еліміздің әкімшілік аумағын ұйымдастыру, жер иелену, жерді пайдаланудың құқықтық мәртебесін бекіту, түрлі нысан салу үшін әртүрлі карта мен атластар құрастыру жұмыстары Жерге орналастыру, геодезия және картография саласына жүктелді. 1991 жылы Қазақстан Республикасы жер қатынастары және жерге орналастыру мемлекеттік комитеті құрылды.
Осы жылдан бастап өңірде арнайы кен орындарында алғашқы шаруа қожалықтары ұйымдастырыла бастады. Ауыл шаруашылығы кәсіпорындарының жерін трансформациялауға, жекешелендіруге және жекешелендіруге байланысты қайта бөлу бойынша жұмыстар жүргізілді. Нәтижесінде бизнестің жаңа түрлері, шағын кәсіпорындар, өндірістік кооперативтер, серіктестік құрылды. Жер реформасы басталғаннан бастап бүгінгі күнге дейін жер жұмыстарын басқару қызметі аталған жұмыстардың алдыңғы қатарында болды.
2016 жылдан бастап жерге орналастыру, геодезия және картография қызметтері Цифрлық даму, инновациялар және аэроғарыш өнеркәсібі министрлігінің «Азаматтарға арналған Үкімет» мемлекеттік корпорация құзыреттілігіне өтті. Бүгінде мемлекеттік корпорацияның облыстық филиалында Жерге орналастыру, геодезия және картография саласы бойынша 107 адам қызмет атқарады.
Аталған мамандық иелерінің мерекесін облыстық филиал мен кәсіподақ ұйымы өткізді. «Достық үйінде» өткен іс-шараға облыстық мәслихат хатшысы Наурызбай Байқадамов, филиал директоры Айнұр Тобаева, сала мамандары мен ардагерлері қатысты.
Алдымен кеш қонақтары ғимарат фойесінде орналасқан саланың құрал-жабдықтары қойылған көрмемен танысты. Мұнан соң облыстық мәслихат хатшысы Наурызбай Байқадамов сала қызметкерлері мен ардагерлерін төл мерекесімен құттықтап, мамандарға «Алғыс хат» табыстады. Жалпы осы күні қызметкерлер мен ардагерлер «Азаматтарға арналған Үкімет» мемлекеттік корпорациясы» басқарма төрағасы Әділ Қожыховтың, Қызылорда қаласы әкімі Ғанибек Қазантаевтың «Алғыс хатымен» марапатталды. Сонымен қатар, салалық кәсіподақтың төсбелгісін 5 адам кеудесіне тақты.
Мерекелік шара концерттік бағдарламаға ұласып, әсем әннен шашу шашылды.
«СБ» ақпарат
