IX қысқы Азиада ойындары қайда өтетіні анықталды. Бұл туралы KAZ.NUR.KZ Спортты дамыту дирекциясының ресми сайтына сілтеме жасап хабарлайды. Азия Олимпиада кеңесі IX қысқы Азиада ойындары 2025 жылы Қытайдың Харбин қаласында 7 ақпан мен 14 наурыз аралығында өтетінін хабарлады. Жарыстың ұраны: «қысқы армандар, Азия орталығындағы махаббат» (Dreams of Winter, Love among Asia).
Cондай-ақ байрақты бәсекенің бойтұмары мен эмблемасы да бекітілді. Айта кетейік, Харбинде осыған дейін 1996 жылы қысқы Азиада ойындары өткен. Қазақстан ұлттық құрамасы сол жылы 14 алтын, 9 күміс, 8 қола (барлығы 31) жүлдемен жалпы есепте жарыс қожайынынан кейінгі 2-сатыға жайғасқан еді.
1996 жылы Азия ойындарында қолданылған мұз сарайының бірнеше алаңы келесі жылы да пайдаланылмақ.
>>> Біздің Facebook, Instagram парақшаларымыз бен Telegram каналымызға жазылыңыз! <<<
