Экология вице-министрі Серік Қожаниязов Душанбеде жұмыс сапары барысында Тәжікстан Республикасы Энергетика және су ресурстары министрінің орынбасары Шоимзода Джамшед Шодимен кездесу өткізді.
Тараптар Сырдария өзенінде қалыптасқан су шаруашылығы жағдайын талқылады, «Бахри Точик» су қоймасының 2021-2022 жылдардағы вегетацияаралық және 2022 жылғы вегетациялық кезеңдегі жұмыс режимін келісу бойынша келіссөздер жүргізді.
Қазақстан тарапы 2022 жылдың вегетациялық кезеңінде былтырғыдай «Бахри Точик» су қоймасынан қосымша су жіберіледі деген уағдаластыққа қол жеткізді. Бұл Түркістан және Қызылорда облыстарының фермерлерін су аз болған жағдайда суармалы сумен қамтамасыз етуді жақсартуға мүмкіндік береді.
«СБ» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<
