Тәртіпке бағынбаған жүргізушіні «ерекше» тәсілмен тоқтатпақшы болған полицейдің іс-әрекеті бейнеленген ролик әлеуметтік желіге тарап кетті деп хабарлайды Zakon.kz – ке сілтеме жасаған KAZ.NUR.KZ.
Роликті жол жөнекей кетіп бара жатқан көлік жүргізушісі түсіріп алған. Кадрда аузында ысқырғышы бар жарық шағылыстырғыш киім киген полицейдің жасыл түсті Volkswagen көлігінің қақпағында жатқаны бейнелеген.
Жол сақшысы ым арқылы жүргізушінің көлікті тоқтатып, шығуын талап еткен.
Жүргізуші капоттың үстінде жатқан полицейдің ишарасына назар аудармай, артқа жүреді. Осыдан кейін жол сақшысы тапаншасын шығарды. Бұл әрекет жүргізушіні көлікті тоқтатып, есігін ашуға мәжбүрледі.
Бейнежазба астында оқиғаның Шымкентте орын алғаны жазылған.
«Міне, біздің шымкенттік полицейлер», – дейді бейнеролик авторы.
>>> Біздің Facebook, Instagram парақшаларымыз бен Telegram каналымызға жазылыңыз! <<<
