«Жаңа шабыт» қоғамдық бірлестігі Қазақстан Республикасы Ақпарат және қоғамдық даму министрлігі Азаматтық қоғам істері комитетінің мемлекеттік әлеуметтік тапсырысы негізінде «Оңтүстік өңірдегі мемлекеттік әлеуметтік тапсырыстың іске асырылуына мониторинг жүргізу (Алматы, Жамбыл, Қызылорда, Түркістан облыстары, Шымкент қ.) қызметін көрсету іс-шаралар кешенінің кезекті қорытынды кездесуін Қызылорда қаласында өткізді.
Мақсат – мемлекеттік әлеуметтік тапсырыс аясындағы маңызды жобаларды тиімді іске асыруды қамтамасыз ету бойынша уақытылы және жедел шараларды қабылдау.
Кездесуде «Жастар fest – Qyzylorda» шығармашыл жастарды дамыту орталығы қызметін ұйымдастыру және «Рухани жаңғыру» бағдарламасы аясында жастар арасында ақпараттық-насихат жүргізудің мониторинг нәтижелері талқыланды. Сонымен қатар, «Жергілікті атқарушы органдары мен мемлекеттік әлеуметтік тапсырысты іске асыру саласындағы Қазақстан Республикасы заңнамасы талаптарын сақтауы», «Мемлекеттік әлеуметтік тапсырыс аясында көрсетілетін әлеуметтік жобалар бенефициарларының қанағаттану деңгейі», «Қоғамдық мониторинг жүргізу барысында анықталған фактілерді жою бойынша ұсынымдар» және «Мемлекеттік әлеуметтік тапсырысты іске асыру сапасын арттыру бойынша ұсыныстар» тақырыптары қамтылды.
Мемлекеттік әлеуметтік тапсырыс шеңберінде жобаларға қатысқан қызмет алушылардың пікірлері тыңдалып, сапаны арттыру бойынша ескертулер мен ұсыныстар жасалды.
Мониторинг қорытындысы бойынша кездесуге қызмет алушылар, тапсырыс берушінің және өнім берушінің өкілдері, БАҚ өкілдері қатысты. Іс-шарада материалдар таратылып, кері байланыс ретінде сауалнама алынды.
«СБ» ақпарат.
>>> Біздің Facebook, Instagram парақшаларымыз бен Telegram каналымызға жазылыңыз! <<<
