Аймақта осы жылдың екі айында 497 тұлғаға медициналық-әлеуметтік сараптама проактивті сырттай жүргізілген. Бұл жалпы 2366 куәландыру санының 21 пайызы. Ал республикалық көрсеткіш бойынша 23,2 пайызды құрайды. Бұл туралы өңірлік коммуникациялар қызметінің ақпараттық алаңында өткен брифингте Қызылорда облысы бойынша Еңбек және әлеуметтік қорғау департаменті басшысының орынбасары Тілеукүл Мырзахметова баяндады.
– Департамент «Мүгедектікті немесе еңбек ету қабілетінен айырылу дәрежесін белгілеу және қажетті әлеуметтік қорғау шараларын айқындау» туралы мемлекеттік қызметі проактивті сырттай көрсетіп келеді. Бұл бір жағынан сыбайластықтың алдын алса, екіншіден пациенттер әр есікті жағалап жүрмей, қағаз бастылыққа салынып әуреге түспейді. Барлығын тек дәрігердің тағайындауымен жүзеге асады. Бұл жағдай цифрландыру дәуірінің үлкен жемісі деуге болады, – деді Тілеукүл Тәңірбергенқызы.
Айта кететін жайт, сырттай куәландыруға аталған Алгоритмнің қосымшасына сәйкес пилоттық режимде сырттай куәландыру жүргізілетін нозологиялық нысандарға 12 нозология бойынша диагноздары бар пациенттер жіберіледі.
Өңірлік коммуникациялар қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
