Невада-Семей антиядролық қозғалысының құрылғанына 34 жыл. Осыған орай облыс орталығындағы Тағзым алаңында еске алу митингі өтті.
Еске алу шарасына облыс әкімінің орынбасары Нұрымбет Сақтағанов пен «Невада-Семей» қоғамдық бірлестігінің төрағасы Сәбит Әбіш қатысты.
1989 жылдың 28 ақпаны күні КСРО Жоғарғы Кеңесіне депутаттыққа үміткер, қоғам қайраткері Олжас Сүлейменовтың бастамасымен жалпыхалықтық антиядролық «Невада-Семей» қозғалысы құрылып, еліміз ядролық қарудан бас тартқан бірден-бір мемлекет ретінде әлемге танылды. Ширек ғасыр өмір сүрген антиядролық ұйым ел тарихына жарқын беттер сыйлады. Еліміз бейбітшілігімен әлемдік деңгейде өзіндік орны бар мемлекетке айналды.
![](https://syrboyi.kz/wp-content/uploads/2023/02/301-1.jpg)
Облыс әкімінің орынбасары ардагерлерге ыстық лебізін білдіріп, амандық, дендеріне саулық тіледі. Сондай-ақ, бүгініміздің бейбіт, ертеңіміздің жарқын болуына тілектестік білдірді.
Іс-шараға қатысушылар Семей ядролық сынағының зардабын жоюға қатысқан ардагерлердің рухына бас иіп, 1 минут үнсіздікпен еске алды. Гүл шоқтарын қойып, құран бағыштады.
Аружан ЕРАЛЫ,
«Сыр бойы»
>>> Біздің Facebook, Instagram парақшаларымыз бен Telegram каналымызға жазылыңыз! <<<