«Apple» компаниясы ақпан айында бюджеттік «iPhone» шығаруға кіріседі. Компания жаңа телефонды наурыз айында шығаруды жоспарлап отыр. Мәлімдеуінше, оның сыртқы келбеті экран диагоналы 4,7 дюймді «iPhone 8»-ге ұқсас болады.Бюджеттік «iPhone» шығару арқылы «Apple» компаниясы мобильді құрылғылар нарығындағы өз үлесін кеңейтуді жоспарлап отыр. Еске салсақ, былтыр қарашада «Apple»-дің бас дизайнері Джонатан Айв компаниядан кеткен болатын. Ол компанияда 1992 жылдан бері жұмыс істеп, 1996 жылдан бастап құрылғылардың сыртқы бейнесіне жауап беріп келген.
