Экономикалық дамудың нарықтық моделіне көшу, мемлекеттік басқару жүйесін терең реформалау, жаңа қауіптер мен сын-қатерлердің туындауы азаматтық қорғаудың мемлекеттік жүйесінен тұрақты дайындықты талап етеді.
Осы ретте Қармақшы ауданына қарасты Диірментөбе елді мекенінде «Зымыран-2023» республикалық оқу-жаттығу жиыны өтті.
Ұлттық қауіпсіздікті қамтамасыз ету, төтенше жағдайларға жедел ден қою, азаматтық қорғаныс күштері мен авариялық-құтқару жұмыстарын жүргізу құрылымдарының дайындығын тексеру мақсатында ұйымдастырылған оқу-жаттығу жұмыстарына облыс әкімінің орынбасары, ҚР Президентінің «Байқоңыр» кешеніндегі арнаулы өкілі Қайрат Нұртай, ҚР Төтенше жағдайлар вице-министрі, генерал-майор Ерлан Нұрпейісов, Қармақшы ауданының әкімі Жандос Еркінбек қатысты.
Оқу-жаттығу жиынында облыстық құтқару бөлімшелері мен азаматтық қорғаныс қызметтерінің, Ресей Төтенше жағдайлар министрлігінің №70 Федералдық өртке қарсы қызметінің арнайы басқарма қызметкерлері зымыран тасығыштың апатқа ұшырауы зардаптарын жою кезіндегі іс-қимылдардың практикалық жұмысын көрсетті.
«СБ» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<
