Биыл тарихы терең, қойнауы кенен Қызылорда облысына – 85 жыл. Мерейлі мерейтой қарсаңында Жастар ресурстық орталығының ұйымдастыруымен «ORDA келбеті» байқауы өткізілді. Бір айға созылған онлайн байқау өз мәресіне жетіп, үздік деп танылған жеңімпаздар марапат төрінен көрінді.
Жеңімпаздарды марапаттау құрметі үш мәрте «Алтын домбыра» иегері, Н.Бекежанов атындағы облыстық қазақ музыкалық академиялық драма театрының директоры Мұхтар Ниязовқа және «Qyzylorda» телеарнасының директоры Нұрбек Амишаға беріліп, арнайы дипломдар мен ұялы телефондары табысталды. Шарада өнерпаздар Бекзат Молдабергенов, Бақытжан Найманов, Зарина Русланқызы мерекелік ән тарту жасап, мерейлі сәтті думанға бөледі.
«Үздік фото» номинациясы бойынша Айдос Әлназаров, Арманбек Сматов, Айкерім Болатбекқызы жеңімпаз атанды. «Үздік бейнематериал» номинациясына Диас Дайрабеков, Дәулетхан Ақайдаров, Нұржан Каленов лайық деп танылды. Ал «Үздік пост» номинациясын Фархат Халилуллаев, Ақтөре Ибрагимұлы, Гүлбану Мақажан жеңіп алды.
«СБ» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<
