Белкөл кенті әкімі аппаратының «Белкөл кентінің клубы» мен «Әл-Әзиз» оқу шығармашылық орталығының ұйымдастыруымен «Берекелі-Белкөлім» атты қайырымдылық іс-шарасы болып өтті. Шараны Белкөл кенті әкімінің міндетін атқарушы Жасұлан Сәду және ардагерлер кеңесінің төрағасы Сартай Қайруллаев ашып, тұрғындарды қасиетті Рамазан айымен құттықтады.
![](https://syrboyi.kz/wp-content/uploads/2022/04/whatsapp-image-2022-04-13-at-16.20.37-1024x623.jpeg)
Мұнан соң «Әл-Әзиз» оқу шығармашылығының директоры Гүлманат Сембаева жұртшылыққа алғыс білдіріп, жақсылыққа, игі-істерге атсалысуға шақырды.
Шара Белкөл кенті клубы жанынан құрылған көркемөнерпаздар үйірмесінің концерттік бағдарламасымен жалғасты. Соңында мүмкіндігі шектеулі 35 жанға, сыйлықтар таратылды.
«СБ» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<