Әбдіжәміл Нұрпейісов – қазақ әдебиетінде өзіндік қолтаңба қалдырған қаламгер. Қаламгер ғұмырын ақиқат пен шындыққа, ұлтымыздың рухани кемелденуіне және Қазақ халқының шығармашылық мүмкіндіктерін әлемдік әдеби аренада мойындатуға арнаған жан.
Оның тек бір қауымның ғана емес, тұтас әлемнің келешегіне алаңдауынан туындаған, тарихи шындықтарға негізделген және болашақта орын алатын факторларды дөп болжаған романдары әлемдік әдебиеттің алтын қорына енді. Қасиетті әрі қасіретті Арал тағдыры арқылы адамзат тағдырына алаңдаған жазушының асқақ ойы мен қарымды қаламынан туындаған шығармалардағы сюжеттер бүгінгі күннің шындығына айналды. Осы еңбектері жас суретшілердің шығармаларына арқау болмақ.
Қаламгердің туғанына 100 жыл толуына орай Қазақстан Халық партиясының бастамасымен Қызылорда қаласында орналасқан Мүлкаман Қалауов атындағы өнер мектебінде сурет сайысы өтуде. Жеңімпаздарға бағалы сыйлық және арнайы диплом табысталатын болады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
