Қазір қаланың коммуналдық қызметі күшейтілген жұмыс кестесіне көшті.
Соңғы бір-екі күнде қар себелеп жауса, кеше облыс орталығы ақ мамыққа оранды. Табиғаттың бұл құбылысы көшелерде көктайғаққа ұласып, оны еріту жұмыстары да қарқын алды. Қала әкімдігінің баспасөз қызметінің дерегінше, көшелерге тұз араласқан құм қоспасын себу жоспар бойынша атқарылды. «19 желтоқсаннан бастап арнайы техникалардың көмегімен 50 тонна қар шығарылды. Тазалық жұмыстарына 57 арнайы техника жұмылдырылған» делінген мәліметте.
Коммуналдық саланың арнайы техникалары жолдарды, тротуарлар мен қоғамдық орындарды қардан тазалап жүр. Жұмыс көлік ағыны көп орталық көшелерден басталып, шеткі аудандарда жалғасын тапты. Осылайша тұрғындардың қауіпсіздігі және қозғалысына қолайлы жағдай жасалды. Ал әрбір мекеме мен мектеп, балабақша секілді мемлекеттік ұйымдар өз аумағының алдын өзі тазалауға міндетті.
«Сб» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<
