Облыс бойынша ішкі мемлекеттік аудит департаментінің қаржылық есептілік аудиті бөлімі энергетика және тұрғын үй-коммуналдық шаруашылық басқармасында «Қаржылық есептілік аудитінің мақсаты» тақырыбында семинар өткізді. Семинар барысында қаржылық есептілік аудитінің мәні мен маңызы, негізгі мақсаттары мен міндеттері жан-жақты талқыланды.
Департамент бюджеттік бағдарламалар әкімшілерінің қаржылық есептілігіне, оның ішінде шоғырландырылған қаржылық есептілігіне және мемлекеттік мекемелердің қаржылық есептілігіне тәуекелдерді басқару жүйесі негізінде жыл сайынғы аудит жүргізеді.
Қаржы жағдайы, қаржы жағдайындағы өзгерістер мен қызмет нәтижелері туралы толық және анық ақпарат беру – бухгалтерлік есеп пен қаржылық есептіліктің мақсаты. Мемлекеттік мекеменің бухгалтерлік есепті жүргізу және қаржылық есептілігін жасау үшін нұсқаулық құжаттармен бюджеттік бағдарламалардың әкімшілері қамтамасыз етеді.
Ведомство және оның аумақтық бөлімшелері қаржылық есептілік аудиті мемлекеттік аудит объектісі қаржылық есептілігінің, бухгалтерлік есебінің және қаржылық жай-күйінің анықтығын, негізділігін бағалайды.
Аудиторлық есеп – тікелей мемлекеттік аудиторлар жасаған қаржылық есептілік нәтижесі. Есепте жоғары деңгейлі сенім және аудит барысында алынған дәлелдемелерді негізге ала отырып, нақты пікір білдіруге тиіс.
Ақтоты МАХАМБЕТЖАНОВА,
облыс бойынша ішкі
мемлекеттік аудит департаментінің бас маманы
