«Қазақстан Республикасының Денсаулық сақтау министрлігі санитариялық-эпидемиологиялық бақылау комитеті Қызылорда облысының санитариялық-эпидемиологиялық бақылау департаменті» республикалық мемлекеттік мекемесінің қаулысы
«11» қараша 2020 жыл №26 Қызылорда қаласы
Қызылорда облысының
Бас мемлекеттік санитариялық дәрігерінің 31 қазан 2020 жылғы «Қызылорда облысы бойынша шектеу, оның ішінде карантиндік шаралары туралы» №25 Қаулысына өзгерістер мен толықтырулар
енгізу туралы
«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексінің 104-бабының 2-тармақшасына сәйкес Қызылорда облысы халқы арасында COVID-19 коронавирустық инфекциясының (бұдан әрі – COVID-19) таралуының алдын алу мақсатында ҚАУЛЫ ЕТЕМІН:
1. Қызылорда облысының Бас мемлекеттік санитариялық дәрігерінің 31 қазан 2020 жылғы «Қызылорда облысы бойынша шектеу, оның ішінде карантиндік шаралары туралы» №25 Қаулысына келесі өзгерістер мен толықтырулар енгізілсін:
1) 2 тармақтың 3) және 15) тармақшалары алынып тасталсын;
2) 2 тармақтың 5) тармақшасы мынадай редакцияда жазылсын:
«5) театрлардың қызметі, залды 50%-ға дейін толтырып, бірақ залда 100 адамнан асырмай, infokazakhstan.kz порталында тіркеліп, маска режимін, әлеуметтік қашықтықты сақтап»;
3) 3 тармақ 4) және 5) тармақшаларымен толықтырылсын:
«4) 2020-2021 оқу жылының екінші тоқсанынан бастап:
– контингенті 300 оқушыға дейін, сыныптардағы балалар саны 15 адамға дейін қалалық және ауылдық мектептерде дәстүрлі форматта оқытуға;
– ата-аналардың өтініші бойынша сыныптардың жинақталуын 15 баладан асырмай сақтай отырып, жалпы білім беретін мектептерде 1 сыныптан 5 сынып бойынша, халықаралық мектептерде 7 сыныпқа дейін кезекші сыныптарда оқытуды;
5) ҚР БМСД №57 Қаулысының талаптарын сақтай отырып, санитариялық-дезинфекциялық режимі күшейтілген залды 30%-ға дейін толтырып, бірақ 100 адамнан асырмай, діни объектілерде, жұма намазын қоспағанда, мешіттерде (бес намаз) ұжымдық құдайға құлшылық етуді жүргізуді.».
2. Осы Қаулының орындалуын бақылауды өзіме қалдырамын.
3. Осы Қаулы қол қойған күннен бастап күшіне енеді.
Қызылорда облысының Бас мемлекеттік санитариялық дәрігері
А.Абдикаимова
>>> Біздің Facebook, Instagram парақшаларымыз бен Telegram каналымызға жазылыңыз! <<<
