Астанада химия пәнінен оқушылардың 57-ші Халықаралық Менделеев олимпиадасы аяқталды. Қазақстан құрама командасы екі күміс және 10 қола медаль жеңіп алды, деп хабарлайды ҚазАқпарат.
Күміс медаль иегерлері – Астана қаласының дарынды ер балаларға арналған «Білім-Инновация» лицейінің 11 сынып оқушысы Әлихан Смет және Haileybury Almaty мектебінің 11 сынып оқушысы Инсар Имаш.
Қола жүлдегерлер тізімі мынадай:
Бекболат Мамырбеков – Шығыс-Қазақстан облыстық дарынды балаларға арналған «Білім-Инновация» лицейінің 11 сынып оқушысы;
Шәкір Жақсылық– Маңғыстау облыстық «Білім-Инновация» лицей-интернатының 10 сынып оқушысы;
Диас Қоршыбек – мамандандырылған «Білім-Инновация» лицейінің 10 сынып оқушысы;
Кирилл Ким – Астана қаласындағы физика-математикалық бағыттағы Назарбаев Зияткерлік мектебінің 10 сынып оқушысы;
Әліби Мұғалім – Маңғыстау облыстық «Білім-Инновация» лицей-интернатының 11 сынып оқушысы;
Айбол Оразалин – Алматы қаласының мамандандырылған «Білім-Инновация» лицейінің 11 сынып оқушысы;
Әділжан Молдағұл – Маңғыстау облыстық «Білім-Инновация» лицей-интернатының 10 сынып оқушысы;
Абылай Кабдулхадыр – Астана қаласындағы физика-математикалық бағыттағы Назарбаев Зияткерлік мектебінің 10 сынып оқушысы;
Ринат Илюсизов – Павлодар қаласының дарынды балаларға арналған № 8 мектеп-лицейінің 10 сынып оқушысы;
Асанәлі Қали – Қостанай облыстық «Білім-Инновация» лицей-интернатының 11 сынып оқушысы.
Сондай-ақ «Теориялық турдағы үздік шешім»номинациясы бойынша ҚР Оқу-ағарту министрінің арнайы сыйлығымен астаналық Әлихан Смет марапатталды.
Олимпиада жеңімпаздарына еліміздің бес жетекші отандық жоғары оқу орнынан 17 грант бөлінді.
Естеріңізге сала кетейік, химия пәнінен оқушылардың 57-ші Халықаралық Менделеев олимпиадасына 21 елден 116 оқушы қатысты.
>>> Біздің Facebook, Instagram парақшаларымыз бен Telegram каналымызға жазылыңыз! <<<
