Қызылорда облысы бойынша ҚАЖ департаментінің №60 мекемесінде Қылмыстық-атқару жүйесінің ардагерлерінің қатысуымен жедел кеңес өтті.
Кеңеске «Қылмыстық-атқару жүйесі ардагерлер ұйымы» қоғамдық бірлестігінің мүшелері Т.Қамзаев пен Д.Берікбай және жеке құрам қызметкерлері қатысты.
Күн тәртібінде «Қылмыстық-атқару жүйесі ардагерлер ұйымы» қоғамдық бірлестігінің 2023 жылы атқарған жұмыстарына қорытынды жасалып, ҚР ІІМ бұйрығымен бекітілген «Сотталған адамның әлеуметтік пайдалы байланыстарын қолдау үшін ауыстыру қағидаларының» орындалу мәселесі қаралды.
Жедел кеңес барысында облыс бойынша Қылмыстық-атқару жүйесі ардагерлер ұйымының қоғамдық жұмысына белсенділік танытқаны үшін мекеменің Бұқаралық ақпарат құралдары және байланыс жөніндегі іс-жүргізушісі А.Жомартқызы ұйым төрағасы Т.Ахметовтың алғыс хатымен марапатталды. Сонымен қатар, қызметін мінсіз орындап, адам өмірін сақтап қалуға жасаған әрекеті үшін М. Досанов, Д.Әбдіраман, М.Тәжібаев, Д.Жармахан ҚАЖ департаментінің бастығы әділет полковнигі Ш.Есенкелдиевтің грамотасымен марапатталды.
Жиын соңында қаралған күн тәртібі бойынша баяндама жасалып, атқарылған жұмыстың сапасын жақсарту мақсатында мекеме бастығы тарапынан бірқатар тапсырма берілді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
