Қызылорда облысында қонақүй иесін өлтірген күдікті қолға түсті, деп хабарлайды ҚазАқпарат.
Шиелі аудандық полиция бөліміне 29 қыркүйекте ауылдағы қонақүйлердің бірінде оның иесінің дене жарақаты бар мәйіті табылғаны туралы хабарлама түскен.
«Полиция қызметкерлері тарапынан жүргізілген жедел-іздестіру жұмыстарының нәтижесінде аталған қылмысты жасады деген күдікпен облыста тұратын 25 жастағы тұрғын ұсталды. Одан айғақ заттар алынды. Қазіргі таңда күдікті уақытша ұстау изоляторына қамалды», – деп мәлім етті Қызылорда облыстық полиция департаментінен.
Ведомство мәліметінше, аталған дерек бойынша ҚР Қылмыстық кодексінің 99-бабының 1-бөлігімен тергеп-тексеру әрекеттері басталып, тиісті сараптамалар тағайындалды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
