Қазақстан Республикасы аумағында қаржылық пирамида құру және оны трансұлттық қылмыстық топ құрамында басқару дерегі бойынша Қазақстан Республикасы Қылмыстық кодексінің 264-бабының 1-бөлігі (Трансұлттық ұйымдасқан топ, трансұлттық қылмыстық ұйым құру және оларға басшылық ету, сол сияқты оларға қатысу), 217-бабының 3-бөлігінің 1,2-тармақтары бойынша (Қаржылық (инвестициялық) пирамиданы құру және оған басшылық ету) сотқа дейінгі тергеп – тексеру амалдары жүргізілуде.
«Questra Holding ins», «Questra World», «Atlantic Global Asset Management», «Five Winds Asset Management» қаржылық пирамидалар тобының қылмыстық әрекетінен 2016-2017 жылдар аралығында елдің барлық аумақтарында мыңдаған қазақстандықтар зардап шекті, оларға келтірілген шығын 1 млрд.теңгеден асты.
Қазіргі таңда Қазақстан Республикасы Ішкі істер министрлігі Тергеу департаментінің тапсырмасына сәйкес, аталған компанияларға ақша-қаражаттарын аударып, салымшы ретінде тіркелген Қызылорда облысы тұрғындарынан арыз-шағымдар алынып, қылмыстық іс бойынша жәбірленуші ретінде танылды.
Осыған байланысты, аталған компанияларға қандай да бір ақша-қаражаттарын аударып, салымшы ретінде тіркелген облыс тұрғындарына өз құқықтарыңызды пайдаланып, Тергеу органы көмегімен кінәлі адамдардың қылмыстық жауапкершіліктері шешілуі үшін Қызылорда облысы Полиция департаментінің барлық қала және аудандық бөліністеріне арыз – шағым беріп, төмендегі байланыс телефондарына хабарласуларын сұраймыз.
Байланыс телефоны: Қызылорда облысы Полиция департаментінің тергеушісі полиция капитаны Әлбатыров Ерсайын 8-777-361-89-62.
>>> Біздің Facebook, Instagram парақшаларымыз бен Telegram каналымызға жазылыңыз! <<<
