Қызылорда облысы бойынша қылмыстық атқару жүйесі департаментіне қарасты ЗК-169/1 мекемесінде шаруашылық қызметіне қалдырылған сотталғандар арасында спорттық ойынның 7 түрінен сайыс апталығы өткізілді.
Мұндай шараны ұйымдастыру сотталғандардың түзелу мақсатына қол жеткізуге ықпал ететін салауатты өмір салтын ұстануға, моральдық-психологиялық ахуалдың дұрыс бағытта бетбұрыс жасауына пайдалы болатыны анық.
Спорттың дойбы, шахмат, кіші футбол, қол күресі, турникке тартылу сияқты түрлерінен сайысқа түскен сотталған азаматтар тартысты өнер көрсетіп, өз қарым-қабілеттерін жан-жақты байқата білді. Айта кетер болсақ, шахмат ойынында қарсыластарын түгел ұтқан О. шапшаң ойлылығымен көзге түссе, қол күресінен шымыр денелі З. өз қайратын көрсетіп 1-орынды жеңіп алды. Сондай-ақ турникке тартылуда А. озық шықты.
Ал кіші футбол бойынша командалар тамашалаушылардың көңілінен шықты. Сайыс апталығының қорытынды кезеңінде жарыс жеңімпаздарына мекеме бастығының қаулысымен «Алғыс» жарияланды.
Мұндай шаралар алдағы уақытта да жоспар бойынша өз жалғасын табады.
Облыс бойынша ҚАЖ департаменті,
ЗК-169/1 мекемесі.
>>> Біздің Facebook, Instagram парақшаларымыз бен Telegram каналымызға жазылыңыз! <<<
