Бүгін аудан әкімі Нұржан Сәбитұлы Ахатов көпбалалы аналарды қабылдап, 3 «Алтын алқа» мен 13 «Күміс алқа» төсбелгілерін аналарға табыс етті.
Жиында аудан басшысы батыр да, ақын да бәрі-бәрі ананың алтын құрсағынан шыққанын, аналарға әрбір жаннның қарыздар екендігін айтты. Сондай-ақ, «Amanat» партиясы Шиелі аудандық филалының төрағасы Болат Сыздық, аудандық әйелдер кеңесінің төрағасы Нәйла Палымбетова сөз алып, аналарға ақ тілегін білдірді.
Айта кетейік, қазіргі таңда аудан бойынша «Алтын алқа» иелерінің саны – 973, ал «Күміс алқа» иегерлерінің саны – 1570-ке жетіп отыр.
Шиелі ауданы әкімдігінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
