Достық үйінде мектепке дейінгі және бастауыш мектеп жасындағы балаларға арналған дәстүрлі шырша өтті. «Надежда» жастар тобы және «Славяне» қоғамдық-мәдени орталығының жетекшісі Галина Щербакованың ұйымдастыруымен «Айдаһар жылы» атты тегін жаңа жылдық қойылым көпшіліктің назарына ұсынылды.
Оған Славян этномәдени бірлестігінің ең белсенді балалары, оның ішінде Тереңөзек және Шиелі аудандарындағы филиалдары, «Анар Бэйби» балаларды дамыту орталығы мен Казан иконасы шіркеуінің жексенбілік мектебінің оқушылары, төменгі сынып оқушылары, аз қамтылған отбасылар мен славян орталығымен белсенді қызмет атқаратын қалалық №5, 7, 23, 112, 198 мектептерінің оқушылары қатысты.
Шығыс күнтізбесі бойынша, алдағы 2024 жыл Айдаһар жылы болып табылады, сондықтан көптеген туындылар осы мифтік жануармен байланысты болды. «Жемчужинка» би тобы отты нөмірлерді орындады: «Карнавал», Ақшақар, Айдаһарлар биі.
«Славяне» орталығының солистерімен бірге балалар Жаңа жыл және Рождество туралы ән айтты, шыршаны айналып, күлкілі флешмобтар биледі, Айдаһар қорабынан жақсы тілектер оқыды, «Жаңа жыл» викторинасында жұмбақтарды тапты. «Айдаһар» атты қызықты эстафеталарда жылдамдық пен ептілікті көрсетті – картопты қасыққа қойып жүгіру сайысы өтті.
Балалардың Жаңа жылды тойлауына жол бермеу үшін ертеңгілікке Ақшақар мен Аяз атаның киімдерін киіп, жалмауыз кемпір мен елес келді. Бірақ балалар қысқы сиқыршылардың шынайы емес екенін бірден байқады. Олар мейірімді хормен Аяз ата мен Ақшақарды шақыра бастады, содан кейін олармен бірге шыршаның шамдарын жағып жіберді.
Жарқын Рождество мерекесінде өткен ертеңгілік соңында барлық қатысушы балаларға Алматыдағы Ресей Федерациясының Бас консулдығы атынан тәтті сыйлықтар табыс етілді. Жоғарыда атаған мектептерде өткен ертеңгіліктерде де сыйлықтар таратылып, кейбір балалардың үйлеріне жеткізілді. Барлығы 500 бала сыйлықпен қамтылды.
>>> Біздің Facebook, Instagram парақшаларымыз бен Telegram каналымызға жазылыңыз! <<<
