«Қайсар» Түркияға дайындыққа аттанды
Қызылордалық команда жаңа маусымға дайындығын пысықтау үшін Түркияға аттанды. Жиынға шақырту алған футболшылардың басым бөлігі – жергілікті ойыншылар.
Олардың құрамы төмендегідей:
Қақпашылар – Степан Сикач, Нұрымжан Салайдин, Нұрмат Сарсенов, Айқын Ажихан;
Қорғаушылар – Абылайхан Төлегенов, Әділет Кеңесбек, Қуаныш Қалмұратов, Йован Пайович, Руслан Юденков, Ринат Ақберген, Темірлан Мұрзағалиев, Азамат Серікбаев;
Жартылай қорғаушылар – Думан Нәрзілдаев, Дидар Жалмұқан, Мағжан Бауыржан, Бекзат Құрманбекұлы, Нұрдәулет Әмірбек, Мақсат Әбжами, Дінмұхаммед Рүстемұлы, Василий Совпель, Саят Бақтыбай, Горан Милойко;
Шабуылшылар – Өркен Махан, Ерсұлтан Төреқұл, Марлен Айманов, Айбар Жақсылықов, Шохназар Норбеков, Елжас Алтынбеков, Нұрдәулет Ағзамбаев.
Олардың қатарына қазақстандық жартылай қорғаушы Айбол Әбікен қосылды.
Дайындық барысында команданың 4 жолдастық кездесуі жоспарланған. Қызылордалық ұжым 14 қаңтарда «Пагонь Щецин» (Польша), 18 қаңтарда «Аркадаг» (Түркіменстан) клубтарымен кездессе, 22 қаңтарда «Будучность» (Македония), 27 қаңтарда «Земплин» (Словакия) командаларымен шеберлік байқасады.
Жаңа бапкерлер тағайындалды
Түрлі жас деңгейі бойынша бокстан облыс бапкерлерінің жеке құрамында өзгеріс болды. Кіші жасөспірімдер арасындағы аға бапкер қызметіне Ғалым Өтегенов тағайындалды. Ал Асхат Жеңісбеков жасөспірімдер, Ардақ Нұрышов жастар, Руслан Жолбарысов қыздар арасында аға жаттықтырушы болып бекітілді.
Волейболдан ел біріншілігі өтуде
Облыс орталығындағы «Мұз айдыны» спорт кешенінде жасөспірім қыздар арасында волейболдан ел біріншілігі өтіп жатыр.
Салтанатты рәсімге облыстық денешынықтыру, спорт және туризм басқармасының басшысы Бахтияр Артаев арнайы қатысып, қатысушыларға сәттілік тіледі.
– Сіздерді бүгінгі жарыстың ашылуымен шын жүректен құттықтаймын! Еліміздің әр облысынан жиналған мықты спортшыларымыз тартысты ойын өрнегін көрсетіп, төрешілер әділ бағасын қояды деп сенемін. Волейболшы қыздарымызға сәттілік тілеймін, шын мықтылар жеңіс тұғырынан көрінсін, – деді басқарма басшысы.
Айта кетейік, дүбірлі додада Шығыс, Солтүстік Қазақстан, Қостанай, Қызылорда, Павлодар, Ақтөбе, Атырау, Жетісу, Маңғыстау, Жамбыл облыстары, Астана және Шымкент қаласынан келген 16 команда бес күн бойы өзара бақ сынаспақ.
«СБ» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<
