Наурызнаманың онкүндігіне орай, 18 наурыз – Ұлттық киім күні болып белгіленген болатын.
Ұлттық құндылықтарымыз ұлықталған айтулы күні барша Сыр жұртшылығы қазақы нақыштағы ұлттық киімдерді киді.
Сондай-ақ, бүгін облыс көлемінде түрлі бағыттағы 20-ға жуық мерекелік іс-шара ұйымдастырылды.
Атап айтқанда, «Анаға тағзым» орталығында «Этно Fashion» атты облыстық сән үлгісі фестивалі өтіп, оған жалпы саны 17-ге жуық ұлттық киім үлгісінің дизайнерлік көрсетілімі өтті.
Бұдан бөлек, Отбасы орталығында «Ұлттық киім – ұлт мұрасы» атты ұлттық киімдер дефилесі өткізілді.
Сонымен қатар, қала және барлық аудандарда Ұлттық киім күніне орай тақырыптық челленджі ұйымдастырылып, әлеуметтік желілерде жарияланды.
Қызылорда облысының Өңірлік коммуникациялар қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
