Танымал продюсер, Нұртасовтар әулетінің келіні Гүлзира Айдарбекова күні кеше кішін ұлын екінші мәрте үйлендіріп, келін түсірді.
Бұл жолы кіші ұлы Заңғардың таңдауы Индира есімді аруға түскен, – деп хабарлайды Aikyn.kz.
Caravan.kz медиа порталының жазуынша, Айдарбекованың өзі желіде көпшіліктен сүйінші сұрап, Заңғардың тағы да үйленіп жатқанын мәлімдеген.
«Сүйінші! Келін келді! Аллаға мың да бір шүкір! Индира келінімізді абыроймен үйге алып келдік. Бақытты болыңдар балапандарым! Алла бақтарыңды ашсын! Ал ақ тілектеріңізді жаза беріңіздер», – деп жазды ол.
Көпшілік жастарға бақыт тілеп, ақ тілектерін жаудырған. Сонымен бірге олар жаңа түскен келіннің тағы бір құпиясын ашып қойды.
«Сейітжановтардың туған жиені ғой, Индираның шешесі Сейітжановтың туған қарындасы», «Сейітжановтарды Шымкентте бәрі таниды, «Риксос Хадиша солардікі», «Қай жерден болса да, неміз бар, жастар бақытты болсын дейміз де», «Бір жылда баласын екі рет үйлендіру салу да оңай болды елдерге, бақтары ашылсын» деп жазды олар.
>>> Біздің Facebook, Instagram парақшаларымыз бен Telegram каналымызға жазылыңыз! <<<
