Заманауи қоғамдық кеңістікте адамдар арасында диологтық байланыс, өзара түсінушілік пен сенім орнауы тиіс. Қоғамдық диалог – мемлекет пен қоғам арасында маңызды әлеуметтік қажеттілік.
Мемлекет басшысы Қасым-Жомарт Тоқаевтың Жолдауында экономикалық заңдылық, халықты әлеуметтік қамсыздандырудың бірқатар, яғни кәсіпкерлікті қолдау, білім сапасын жетілдіру, көпбалалы отбасылардың жағдайын жақсарту, бағаны тұрақтандыру, үкіметтік емес ұйымдардың жұмысын жетілдіру мәселелері көтерілді.
Бұл Жолдаудың басқа Жолдаулардан негізгі ерекшелігі – мемлекеттің экономикаға көзқарасының түбегейлі өзгеруі. Оның ішінде мемлекеттік сектордың бәсекелестік нарыққа көңіл бөлуі, мемлекеттік компаниялардың санын азайту туралы берген тапсырмалары – инклюзивті экономикаға апаратын жол. Бұл қадамдар мемлекетте бәсекелестік нарығын дамытып қана қоймай, шағын және орта бизнестің дамуына зор үлес қосарына, болашақта ел экономикасын жаңа белестерге жеткізеріне зор сенім бар. Осы орайда шағын және орта бизнеске жасалған жеңілдіктер мемлекет дамуына әсер етеді деп ойлаймын.
Келесі мәселе – қарқынды дамыған және инклюзивті экономика. Президент халыққа Жолдауында ел экономикасының диверсификациясы мәселесі жайлы айтып, шикізатқа байланған менталитеттен бас тарту қажеттігін ескертті.
Сондай-ақ, Мемлекет басшысы «Білім экономикасы», еңбек өнімділігін арттыру, инновацияны дамыту, жасанды интеллекті жаһандық дамудың негізгі факторларына айналатындығын да айтты. Экономиканы әртараптандыру, квазимемлекеттік сектордан түсетін кірістердің артуы, тиімді шағын және орта бизнес құру, халықаралық нарықтағы ұлттық бизнесті қолдау, дамыған агроөнеркәсіптік кешен, әділ салық салу және дұрыс қаржылық реттеу, Ұлттық қорды тиімді пайдалану, еңбекақы төлеу деңгейін арттыру мәселелерін көтерді.
Менің ойымша, Жолдау Қазақстан қоғамының бүгінгі таңда туындап отырған негізгі сауалдарына жауап берді.
Ондағы іргелі бес бағыттан туындаған міндеттерді жүзеге асыру баршамыздың азаматтық жауапкершілігімізді талап етеді.
Ә.ЕСҚАРАЕВ,
облыс бойынша қазынашылық департамент
басшысының орынбасары,
Әдеп жөніндегі уәкіл.
>>> Біздің Facebook, Instagram парақшаларымыз бен Telegram каналымызға жазылыңыз! <<<
