Облыс әкiмiнiң қолдауымен, Қазақстан Республикасының Стамбул қаласындағы бас консулы Аманқұл Нуриддиннiң үйлестіруімен осы жылдың 15-27 сәуірі аралығында қызылордалық 10 реаниматолог, 5 кардиолог дәрігер “Memorial Sisli hastanesi” клиникасында екі апталық тағылымдамадан өтті.
Аталған клиника пациенттерге көрсететін медициналық қызметінің ауқымы және сапасы жөнінен Стамбулдағы ең озық мекемелердің бірі деп есептеледі. Деректерге қарағанда, әлемнің 90-нан астам елінің азаматтары осы клиникада емделеді екен.
Қызылордалық дәрігерлер бiлiктiлiк арттыру курсын аяқтап, сертификат алды. Мамандар жинаған тәжірибесін тұрғындарға медициналық қызмет көрсету барысында қолданбақ.
Айта кетейік, өңірде денсаулық сақтау саласының инфрақұрылымын нығайтуда, маман тапшылығы мәселесін шешуде ауқымды жұмыстар атқарылуда.
Алыс-жақын шетелдерде біліктілігін арттырған дәрігерлер инновациялық емдеу тәсілдерін облыс медицинасына енгізуде. Алдағы уақытта жетекші клиника дәрігерлерінің шеберлік кластарын ұйымдастыру арқылы да мамандар біліктілігін шыңдау жоспарда бар.
>>> Біздің Facebook, Instagram парақшаларымыз бен Telegram каналымызға жазылыңыз! <<<
